Wy sitte hjoed ek noch altyd yn in noardwestlike streaming mei kâlde poallucht. Fan 'e moarn earst bewolke en in pear buien letter moarns en middei in ôfwikseling fan bewolking en bytiden in glimp sinne mei inkelde buien, mei yn it easten kâns op hagel. Temperatuer 9 -10 graden. De noardwestewyn moarns matich, lûkt yn 'e middei oan ta krêftich in krêft 5 -6 mei útsjitters rjochting 7 yn it kustgebiet. Yn de jûn nimt de wyn ôf, klearret it op en sakket de temperatuer nei 5 graden oan de kust oant 2 graden yn it easten mei de kâns op nachtfroast.
 
Foarútsjoch
Snein en moandei in ôfwikseling fan mear wolken as sinne mei ienlytse kâns op in spatsje rein en mei in matige noardeastewyn is it 10 -11 graden. Moandei yn de nacht kâns op nachtfroast en tiisdei nacht kâns op buien. Tiisdei is in kalme dei mei earst in soad sinne en letter nimt bewolking ta. De wyn siket it noardwesten wer op en it is 10 graden. De rest fan de wike ek temperatueren fan 10 graden.